![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Deputeti i PS-së, Erion Braçe ka reaguar përsa i përket vendimit të Gjykatës së Tiranës dhe të gjitha vendimeve nga ana e FSHF-së dhe pezullimit të zgjedhjeve të 2 marsit deri në përfundimin e hetimeve. Ai shkruan në një postim në Facebook se Armand Duka nuk mund t’i shpëtojë më dot drejtësisë pasi gjykata e Berishës dhe Metës nuk është më për ta mbrojtur.
“Armand Duka dhe sistemi i tij po del jashtë ligji! Më në fund! Edhe pse paraqitet rregullisht në dyert e një gjykate, Armand Duka po thekson me forcë se nuk do zbatoj vendimet e gjykatës! Sipas tij sistemi i tij, është një mostër që nuk ka lidhje me Shqipërinë dhe sistemin e saj ligjor, të drejtësisë civile, të drejtësisë penale! Për herë të parë, deri tani, Sali Berisha dhe Ilir Meta, nuk i ofrojnë dot gjykatat e tyre për të dhe sistemin e tij dhe kjo po e nxjerrë nga mendtë, po e shtyn në një krim edhe më të rëndë.
Gjykata ka pezulluar zgjedhjet për presidentin e FSHF, por Armand Duka thotë se do i mbaj ato në 2 mars! Duke theksuar me forcë se nuk njeh vendimin e gjykatës! Edhe pse përdor simbolet e këtij vendi, madje edhe duke i zhgërryer në mejhane ti këtu, Armand Duka ka vendosur FSHF në një tjetër juridiksion-atë të CAS në Lozanë, Zvicër.
Po si kështu?
A e mbani mend që CAS ka dhënë një vendim të rendë për futbollin e pistë të tij e shokëve të tij? Po a e mbani mend se nuk ka asnjë, zero, asnjë vendim të tij për ta pranuar, zbatuar vendimin e CAS për futbollin e pistë të tij?!
Armand Duka nuk ka lidhje me drejtësinë, as këtu e as në Lozanë! Sistemi i tij është tërësisht jashtë ligjit! Ligji duhet tashmë të bjerë mbi të!
Moszbatimi i urdhërimit të gjykatës është krim penal! Krimi penal hetohet, gjykohet, ndëshkohet dhe duhet të ndodh tani! Në këtë vend nuk ka asnjë institucion apo individ që nuk njeh e i nënshtrohet, sistemit ligjor e të drejtësisë këtu! Ky që po e bën, duhet të marrë përgjigje ligjore!”, shkruan Braçe.
Gjykata e Tiranës ka rrëzuar serish Federatën Shqiptare të Futbollit dhe Armand Dukën për çështjen e zgjedhjeve të 2 marsit. Gjyqtari Flamur Kapllani ka pranuar kërkesën e Akademisë së Futbollit ‘Albanët’, duke i bërë 2 vendimet e Gjykatës për anulim të datës së zgjedhjeve dhe vendimeve të marra deri më tani nga Duka dhe organet e tjera të FSHF.
Ndersa me një vendim të datës 17 shkurt përmes vendim të gjyqtares Fida Osmani Gjykata ka pezulluar garën e 2 marsit deri në shqyrtimin e padive të Shoqatave Rajonale për manipulim të procesit, e më konkretisht të shoqatës së Durrësit, Gjirokastrës dhe Shkodrës, ndërsa edhe Fieri e Korça kanë patur kundërshti të forta, por nuk ngritën padi. Gjithashtu, Gjykata e Tiranës, janë pezulluar të gjitha vendimet e marra deri më tani në funksion të procesit zgjedhor për garën e FSHF.